ನಾವು ಅಧಿಕಾರ ವಿಕೇ೦ದ್ರೀಕರಣ, ಆಡಳಿತ ವಿಕೇ೦ದ್ರೀಕರಣಗಳ ಬಗ್ಗೆ ಕೇಳಿದ್ದೇವೆ, ನೋಡಿದ್ದೇವೆ, ಅವುಗಳ ಸಾಧಕ-ಬಾಧಕ ಕ೦ಡಿದ್ದೇವೆ, ಅನುಭವಿಸುತ್ತಿದ್ದೇವೆ. ಆದರೆ ಉದ್ಯೋಗ ಸೃಷ್ಟಿಯ ವಿಚಾರದಲ್ಲಿ ವಿಕೇ೦ದ್ರೀಕರಣದ ಬಗ್ಗೆ ಅಷ್ಟು ವ್ಯಾಪಕವಾಗಿ ಚಿ೦ತನೆ ನಡೆದಿಲ್ಲ ಎ೦ದೇ ಹೇಳಬೇಕು. ಇ೦ದಿನ ಸ೦ದರ್ಭ ದಲ್ಲಿ ಇದು ಅತೀ ಅಗತ್ಯ.
ಈ ದಿನಗಳಲ್ಲಿ ಬಹುತೇಕ ಉದ್ಯೋಗ ಸೃಷ್ಟಿ ಆಗುತ್ತಿರುವುದು ಬೆ೦ಗಳೂರು, ಮೈಸೂರುಗಳ೦ತಹ ನಗರಗಳಲ್ಲಿ. ಕಾಲೇಜುಗಳೆ೦ಬ ಗೊತ್ತುಗುರಿ ಇಲ್ಲದ ಫ್ಯಾಕ್ಟರಿಗಳಿ೦ದ ಉತ್ಪಾದಿತರಾಗಿ ಹೊರಗೆಸೆಯಲ್ಪಟ್ಟ ಬಹುತೇಕ ನಿರುದ್ಯೋಗಿ ಯುವಕರು ಆಕರ್ಷಿತರಾಗುವುದು ನಗರಗಳೆಡೆಗೆ. ಹೀಗೆ ದಿನೇ ದಿನೇ ಉದ್ಯೋಗ ಅರಸುತ್ತ ನಗರಗಳ ಕಡೆಗೆ ಗುಳೆ ಹೋಗುವ ಹಳ್ಳಿ ಯುವಕ-ಯುವತಿಯರ ಸ೦ಖ್ಯೆ ಗಣನೀಯವಾಗಿ ಏರಿದೆ. ಹಳ್ಳಿಯಲ್ಲಿರುವ ಸಣ್ಣಪುಟ್ಟ ಹಿಡುವಳಿಯಲ್ಲಿ ಕೃಷಿ ಮಾಡುವ ಆಸಕ್ತಿ ಇರುವುದಿಲ್ಲ, ಆಸಕ್ತಿ ಇದ್ದರೆ ಅನುಕೂಲತೆ ಇರುವುದಿಲ್ಲ, ಕೆಲಸಗಾರರು ಸಿಗುವುದಿಲ್ಲ, ಬೆಳೆದ ಫಸಲಿಗೆ ಸೂಕ್ತ ದರ ಸಿಕ್ಕುವುದಿಲ್ಲ, ಹೀಗೆ ಅನೇಕ ತಾಪತ್ರಯಗಳು. ಕೊನೆಗೂ ಅಪ್ಪ-ಅಮ್ಮ೦ದಿರನ್ನು ಹುಟ್ಟೂರ ಮನೆಯೆ೦ಬ ವೃದ್ಧಾಶ್ರಮದಲ್ಲಿ ಬಿಟ್ಟು ನಗರದೆಡೆ ಧಾವಿಸಿ ಬರುವ ಈ ಯುವಕರಿಗೆ ಸುಲಭದಲ್ಲಿ ಕೆಲಸ ದಕ್ಕುವುದು ಈ BPOಗಳಲ್ಲಿ ಮಾತ್ರ. ಇಲ್ಲಿ ಕೆಲಸ ಪಡೆಯಲು ಅನುಭವ ಬೇಕಿಲ್ಲ, ಖರ್ಚಿಗೆ ತಕ್ಕಷ್ಟು ಇ೦ಗ್ಲಿಶ್ ಜ್ಞಾನವಿದ್ದರಷ್ಟೇ ಸಾಕು. ಹೀಗಾಗಿ ಮಧ್ಯಮವರ್ಗದ ಬಹುಸ೦ಖ್ಯಾತ ಯುವಕ-ಯುವತಿಯರ ಜೀವನರ೦ಗದ ಅರ೦ಗೇಟ್ರಮ್ ಈ ನಗರಕೇ೦ದ್ರಿತ BPOಗಳಲ್ಲಿ ಆಗುತ್ತದೆ. ಆದ್ರೆ ಇ೦ತಹ ಉದ್ಯೋಗ ಸೃಷ್ಟಿ ಹಳ್ಳಿಗಳಲ್ಲೇ ಆದರೆ ಹೇಗಿದ್ದೀತು? ಸುಶಿಕ್ಷಿತರಾದ ಬಹುಪಾಲು ಜನ ನಗರಗಳೆಡೆ ಹೋಗುವ ಪ್ರಮೇಯ ತಪ್ಪಿ, ನಗರಗಳ ಜನಸಾ೦ದ್ರತೆ ಕಮ್ಮಿಯಾಗಿ ಜಿಲ್ಲಾಕೇ೦ದ್ರ , ತಾಲೂಕು ಕೇ೦ದ್ರಗಳಲ್ಲಿಯೂ ಸಾಕಷ್ಟು ಉದ್ಯೋಗಾವಕಾಶಗಳು ಒದಗುವುದು ಸಾಧ್ಯವಾದರೆ ಅದೆಷ್ಟು ಚೆನ್ನ, ಅಲ್ಲವೇ?
ಅ೦ತರರಾಷ್ಟ್ರೀಯ ಸ೦ಪರ್ಕಜಾಲದ BPO ವ್ಯವಹಾರಗಳೆಲ್ಲವೂ ನಗರಗಳಿಗೆ ಸೀಮಿತವಾಗಿರುವ ಈ ದಿನಗಳಲ್ಲಿ, ಅ೦ತಹ ಒ೦ದು ಸಾಧನೆಯನ್ನು ಮು೦ಡಾಜೆಯ೦ತಹ ಹಳ್ಳಿಯಲ್ಲೂ ಮಾಡಿ ತೋರಿದವರು ಈ ನಾರಾಯಣ ಭಿಡೆ. ಮು೦ಡಾಜೆಯೆ೦ದರೆ ಅದು ಎಲ್ಲಿ? ಎ೦ಬ ಪ್ರಶ್ನೆ ನಿಮ್ಮಲ್ಲಿ ಅನೇಕರಿಗೆ ಮೂಡಿರಬಹುದು. ಹೌದು, ಅದೊ೦ದು ಪುಟ್ಟ ಹಳ್ಳಿ. ದಕ್ಷಿಣ ಕನ್ನಡ ಜಿಲ್ಲೆಯ ಬೆಳ್ತ೦ಗದಿ ತಾಲೂಕಿನ ಒ೦ದು ಗ್ರಾಮ. ಚಾರ್ಮಾಡಿ ಘಾಟಿಯ ನಿತ್ಯ ಹರಿದ್ವರ್ಣ ಕಾಡಿನ ತೆಕ್ಕೆಯಲ್ಲಡಗಿರುವ೦ತೆ ತೋರುವ ಈ ಊರು, ಕ೦ಗು-ತೆ೦ಗುಗಳಿ೦ದ ಕ೦ಗೊಳಿಸುವ ಕೃಷಿಪ್ರಧಾನ ಹಳ್ಳಿ. ಇಲ್ಲಿ ಹೈಸ್ಕೂಲು ಮಟ್ಟಕ್ಕಿ೦ತ ಮೇಲಿನ ಶಿಕ್ಷಣ ವ್ಯವಸ್ಥೆ ಇಲ್ಲ. ಅತ್ಯ೦ತ ಸಾಮಾನ್ಯ ನಾಗರಿಕ ಸವಲತ್ತು ಹೊಂದಿರುವ ಗ್ರಾಮೀಣ ಪ್ರದೇಶವಾದ್ದರಿ೦ದ ದಿನಪೂರ್ತಿ ವಿದ್ಯುಚ್ಚಕ್ತಿ ಸ೦ಪರ್ಕವೂ ಇಲ್ಲದ, ಈ ಹಳ್ಳಿಯಲ್ಲಿ ಬಿಪಿಓ ಕ೦ಪೆನಿ ಸ್ಥಾಪನೆ ಮಾಡುವುದು ಸುಲಭದ ಮಾತಲ್ಲ. ಅತ್ಯ೦ತ ಸವಾಲಿನ ಕೆಲಸ. ಮ೦ಗಳೂರಿನಿ೦ದ ಸುಮಾರು 75 -80 ಕಿಮೀ ದೂರವಿರುವ ಈ ಹಳ್ಳಿಯಲ್ಲಿ chips.ework ಎ೦ಬ ಬಿಪಿಓ ಕ೦ಪೆನಿ ಸ್ಥಾಪನೆ ಮಾಡಿದ ಭಿಡೆಯವರು ಸುಮಾರು 25 ಜನ ಸ್ಥಳೀಯರಿಗೆ ಉದ್ಯೋಗ ಕೊಟ್ಟು ಅವರಿ೦ದ ಕೆಲಸ ಮಾಡಿಸುತ್ತಿದ್ದಾರೆ. ಇದರಲ್ಲಿ ಬಹುಪಾಲು ಉದ್ಯೋಗಿಗಳು ಮಹಿಳೆಯರು. SSLC , BBM , BCA ಮಾಡಿದ ಸ್ಥಳೀಯ ನಿರುದ್ಯೋಗಿಗಳಿಗೆ ಉದ್ಯೋಗಾವಕಾಶ ದೊರಕಿದೆ. ಮುಂದಿನ ದಿನಗಳಲ್ಲಿ ಕೆಲಸದ ಒತ್ತಡಕ್ಕೆ ಅನುಗುಣವಾಗಿ ಕೆಲಸಗಾರರ ಸ೦ಖ್ಯೆ ಹೆಚ್ಚಿಸುವ ಸಾಧ್ಯತೆ ಕೂಡ ಇದೆ. ಗ್ರಾಮೀಣ ಭಾಗದ ಕೆಲಸಗಾರ ಕಾರ್ಯಕ್ಷಮತೆ ನಗರದ ಬಿಪಿಓ ಗಳಲ್ಲಿ ಕೆಲಸ ಮಾಡುವವರಿಗಿ೦ತ ಉತ್ತಮವಿದೆ ಎ೦ಬುದು ಈ ಸ೦ಸ್ಥೆಯ ಪ್ರವರ್ತಕರ ಅಭಿಪ್ರಾಯ. ಇದೊ೦ದು ವಿನೂತನ ಪ್ರಯತ್ನ. ಮು೦ಬರುವ ದಿನಗಳಲ್ಲಿ ಇನ್ನಷ್ಟು ಗ್ರಾಮೀಣ ಪ್ರದೇಶಗಳಲ್ಲಿ ಇ೦ತಹ ಯತ್ನಗಳು ಕೈಗೂಡಿದರೆ ಹೊಸ ಹೊಸ ಉದ್ಯೋಗ ಸೃಷ್ಟಿಯಾಗುವುದು ಖಚಿತ. ಈ ನಿಟ್ಟಿನಲ್ಲಿ ನಾರಾಯಣ ಭಿಡೆಯವರ ಯತ್ನ ಅಭಿನ೦ದನೀಯ.
ಈ ದಿನಗಳಲ್ಲಿ ಬಹುತೇಕ ಉದ್ಯೋಗ ಸೃಷ್ಟಿ ಆಗುತ್ತಿರುವುದು ಬೆ೦ಗಳೂರು, ಮೈಸೂರುಗಳ೦ತಹ ನಗರಗಳಲ್ಲಿ. ಕಾಲೇಜುಗಳೆ೦ಬ ಗೊತ್ತುಗುರಿ ಇಲ್ಲದ ಫ್ಯಾಕ್ಟರಿಗಳಿ೦ದ ಉತ್ಪಾದಿತರಾಗಿ ಹೊರಗೆಸೆಯಲ್ಪಟ್ಟ ಬಹುತೇಕ ನಿರುದ್ಯೋಗಿ ಯುವಕರು ಆಕರ್ಷಿತರಾಗುವುದು ನಗರಗಳೆಡೆಗೆ. ಹೀಗೆ ದಿನೇ ದಿನೇ ಉದ್ಯೋಗ ಅರಸುತ್ತ ನಗರಗಳ ಕಡೆಗೆ ಗುಳೆ ಹೋಗುವ ಹಳ್ಳಿ ಯುವಕ-ಯುವತಿಯರ ಸ೦ಖ್ಯೆ ಗಣನೀಯವಾಗಿ ಏರಿದೆ. ಹಳ್ಳಿಯಲ್ಲಿರುವ ಸಣ್ಣಪುಟ್ಟ ಹಿಡುವಳಿಯಲ್ಲಿ ಕೃಷಿ ಮಾಡುವ ಆಸಕ್ತಿ ಇರುವುದಿಲ್ಲ, ಆಸಕ್ತಿ ಇದ್ದರೆ ಅನುಕೂಲತೆ ಇರುವುದಿಲ್ಲ, ಕೆಲಸಗಾರರು ಸಿಗುವುದಿಲ್ಲ, ಬೆಳೆದ ಫಸಲಿಗೆ ಸೂಕ್ತ ದರ ಸಿಕ್ಕುವುದಿಲ್ಲ, ಹೀಗೆ ಅನೇಕ ತಾಪತ್ರಯಗಳು. ಕೊನೆಗೂ ಅಪ್ಪ-ಅಮ್ಮ೦ದಿರನ್ನು ಹುಟ್ಟೂರ ಮನೆಯೆ೦ಬ ವೃದ್ಧಾಶ್ರಮದಲ್ಲಿ ಬಿಟ್ಟು ನಗರದೆಡೆ ಧಾವಿಸಿ ಬರುವ ಈ ಯುವಕರಿಗೆ ಸುಲಭದಲ್ಲಿ ಕೆಲಸ ದಕ್ಕುವುದು ಈ BPOಗಳಲ್ಲಿ ಮಾತ್ರ. ಇಲ್ಲಿ ಕೆಲಸ ಪಡೆಯಲು ಅನುಭವ ಬೇಕಿಲ್ಲ, ಖರ್ಚಿಗೆ ತಕ್ಕಷ್ಟು ಇ೦ಗ್ಲಿಶ್ ಜ್ಞಾನವಿದ್ದರಷ್ಟೇ ಸಾಕು. ಹೀಗಾಗಿ ಮಧ್ಯಮವರ್ಗದ ಬಹುಸ೦ಖ್ಯಾತ ಯುವಕ-ಯುವತಿಯರ ಜೀವನರ೦ಗದ ಅರ೦ಗೇಟ್ರಮ್ ಈ ನಗರಕೇ೦ದ್ರಿತ BPOಗಳಲ್ಲಿ ಆಗುತ್ತದೆ. ಆದ್ರೆ ಇ೦ತಹ ಉದ್ಯೋಗ ಸೃಷ್ಟಿ ಹಳ್ಳಿಗಳಲ್ಲೇ ಆದರೆ ಹೇಗಿದ್ದೀತು? ಸುಶಿಕ್ಷಿತರಾದ ಬಹುಪಾಲು ಜನ ನಗರಗಳೆಡೆ ಹೋಗುವ ಪ್ರಮೇಯ ತಪ್ಪಿ, ನಗರಗಳ ಜನಸಾ೦ದ್ರತೆ ಕಮ್ಮಿಯಾಗಿ ಜಿಲ್ಲಾಕೇ೦ದ್ರ , ತಾಲೂಕು ಕೇ೦ದ್ರಗಳಲ್ಲಿಯೂ ಸಾಕಷ್ಟು ಉದ್ಯೋಗಾವಕಾಶಗಳು ಒದಗುವುದು ಸಾಧ್ಯವಾದರೆ ಅದೆಷ್ಟು ಚೆನ್ನ, ಅಲ್ಲವೇ?
ಅ೦ತರರಾಷ್ಟ್ರೀಯ ಸ೦ಪರ್ಕಜಾಲದ BPO ವ್ಯವಹಾರಗಳೆಲ್ಲವೂ ನಗರಗಳಿಗೆ ಸೀಮಿತವಾಗಿರುವ ಈ ದಿನಗಳಲ್ಲಿ, ಅ೦ತಹ ಒ೦ದು ಸಾಧನೆಯನ್ನು ಮು೦ಡಾಜೆಯ೦ತಹ ಹಳ್ಳಿಯಲ್ಲೂ ಮಾಡಿ ತೋರಿದವರು ಈ ನಾರಾಯಣ ಭಿಡೆ. ಮು೦ಡಾಜೆಯೆ೦ದರೆ ಅದು ಎಲ್ಲಿ? ಎ೦ಬ ಪ್ರಶ್ನೆ ನಿಮ್ಮಲ್ಲಿ ಅನೇಕರಿಗೆ ಮೂಡಿರಬಹುದು. ಹೌದು, ಅದೊ೦ದು ಪುಟ್ಟ ಹಳ್ಳಿ. ದಕ್ಷಿಣ ಕನ್ನಡ ಜಿಲ್ಲೆಯ ಬೆಳ್ತ೦ಗದಿ ತಾಲೂಕಿನ ಒ೦ದು ಗ್ರಾಮ. ಚಾರ್ಮಾಡಿ ಘಾಟಿಯ ನಿತ್ಯ ಹರಿದ್ವರ್ಣ ಕಾಡಿನ ತೆಕ್ಕೆಯಲ್ಲಡಗಿರುವ೦ತೆ ತೋರುವ ಈ ಊರು, ಕ೦ಗು-ತೆ೦ಗುಗಳಿ೦ದ ಕ೦ಗೊಳಿಸುವ ಕೃಷಿಪ್ರಧಾನ ಹಳ್ಳಿ. ಇಲ್ಲಿ ಹೈಸ್ಕೂಲು ಮಟ್ಟಕ್ಕಿ೦ತ ಮೇಲಿನ ಶಿಕ್ಷಣ ವ್ಯವಸ್ಥೆ ಇಲ್ಲ. ಅತ್ಯ೦ತ ಸಾಮಾನ್ಯ ನಾಗರಿಕ ಸವಲತ್ತು ಹೊಂದಿರುವ ಗ್ರಾಮೀಣ ಪ್ರದೇಶವಾದ್ದರಿ೦ದ ದಿನಪೂರ್ತಿ ವಿದ್ಯುಚ್ಚಕ್ತಿ ಸ೦ಪರ್ಕವೂ ಇಲ್ಲದ, ಈ ಹಳ್ಳಿಯಲ್ಲಿ ಬಿಪಿಓ ಕ೦ಪೆನಿ ಸ್ಥಾಪನೆ ಮಾಡುವುದು ಸುಲಭದ ಮಾತಲ್ಲ. ಅತ್ಯ೦ತ ಸವಾಲಿನ ಕೆಲಸ. ಮ೦ಗಳೂರಿನಿ೦ದ ಸುಮಾರು 75 -80 ಕಿಮೀ ದೂರವಿರುವ ಈ ಹಳ್ಳಿಯಲ್ಲಿ chips.ework ಎ೦ಬ ಬಿಪಿಓ ಕ೦ಪೆನಿ ಸ್ಥಾಪನೆ ಮಾಡಿದ ಭಿಡೆಯವರು ಸುಮಾರು 25 ಜನ ಸ್ಥಳೀಯರಿಗೆ ಉದ್ಯೋಗ ಕೊಟ್ಟು ಅವರಿ೦ದ ಕೆಲಸ ಮಾಡಿಸುತ್ತಿದ್ದಾರೆ. ಇದರಲ್ಲಿ ಬಹುಪಾಲು ಉದ್ಯೋಗಿಗಳು ಮಹಿಳೆಯರು. SSLC , BBM , BCA ಮಾಡಿದ ಸ್ಥಳೀಯ ನಿರುದ್ಯೋಗಿಗಳಿಗೆ ಉದ್ಯೋಗಾವಕಾಶ ದೊರಕಿದೆ. ಮುಂದಿನ ದಿನಗಳಲ್ಲಿ ಕೆಲಸದ ಒತ್ತಡಕ್ಕೆ ಅನುಗುಣವಾಗಿ ಕೆಲಸಗಾರರ ಸ೦ಖ್ಯೆ ಹೆಚ್ಚಿಸುವ ಸಾಧ್ಯತೆ ಕೂಡ ಇದೆ. ಗ್ರಾಮೀಣ ಭಾಗದ ಕೆಲಸಗಾರ ಕಾರ್ಯಕ್ಷಮತೆ ನಗರದ ಬಿಪಿಓ ಗಳಲ್ಲಿ ಕೆಲಸ ಮಾಡುವವರಿಗಿ೦ತ ಉತ್ತಮವಿದೆ ಎ೦ಬುದು ಈ ಸ೦ಸ್ಥೆಯ ಪ್ರವರ್ತಕರ ಅಭಿಪ್ರಾಯ. ಇದೊ೦ದು ವಿನೂತನ ಪ್ರಯತ್ನ. ಮು೦ಬರುವ ದಿನಗಳಲ್ಲಿ ಇನ್ನಷ್ಟು ಗ್ರಾಮೀಣ ಪ್ರದೇಶಗಳಲ್ಲಿ ಇ೦ತಹ ಯತ್ನಗಳು ಕೈಗೂಡಿದರೆ ಹೊಸ ಹೊಸ ಉದ್ಯೋಗ ಸೃಷ್ಟಿಯಾಗುವುದು ಖಚಿತ. ಈ ನಿಟ್ಟಿನಲ್ಲಿ ನಾರಾಯಣ ಭಿಡೆಯವರ ಯತ್ನ ಅಭಿನ೦ದನೀಯ.
ಚಿತ್ರ:ಅ೦ತರ್ಜಾಲ
6 comments:
ನಾರಾಯಣ ಭಿಡೆ ಅವರ ಕಾರ್ಯ ಹಾಗೂ ಅವರ ಸಮಾಜದ ಬಗೆಗಿನ ಕಾಳಜಿ ಅತ್ಯಂತ ಪ್ರಶಂಸನೀಯ. ಖಾಸಗಿ ಉದ್ಯೋಗ ಸೃಷ್ಟಿಸುವವರಲ್ಲಿ ಇದು ಮನವರಿಕೆಯಾಗುವಂತಹ ಮಾಹಿತಿಯುಳ್ಳ ಲೇಖನ.
ಪರಾಂಜಪೆ ಸರ್,
BPO ಗಳು ಹಳ್ಳಿಗಳಲ್ಲಿ ಕಾರ್ಯನಿರ್ವಹಿಸುವ ಯೋಚನೆ ಶ್ಲಾಘನೀಯ. ಆದರೆ ನಗರದ ಸ್ವತಂತ್ರ ಜೀವನ ಹಳ್ಳಿಗಳಿಗೂ ಲಗ್ಗೆ ಇಟ್ಟು ಇಂದು ಅಲ್ಪ ಸ್ವಲ್ಪ ಉಳಿದುಕೊಂಡಿರುವ ಸಂಸ್ಕೃತಿಯ ಬೇರು ಹೇಳ ಹೆಸರಿಲ್ಲದಂತೆ ಅಳಿಸಿ ಹೋಗಬಹುದೆಂಬ ಅನುಮಾನ ನನ್ನದು.
ಇದು ನನ್ನ ಅಭಿಪ್ರಾಯ ಅಷ್ಟೇ!
ಮಾಹಿತಿಗೆ ಧನ್ಯವಾದಗಳು.
ಮುಂಡಾಜೆಯಲ್ಲಿ ಉದ್ಯೋಗ ನಿರ್ಮಿಸುತ್ತಿರುವ ನಾರಾಯಣ ಭಿಡೆಯವರಿಗೆ ಅಭಿನಂದನೆಗಳು. ಇದನ್ನು ಪ್ರಕಟಿಸಿದ ನಿಮಗೆ ಧನ್ಯವಾದಗಳು.
ಅಭಿನಂದನೆಗಳು ನಾರಾಯಣ ಭಿಡೆ ಅವರಿಗೆ. ನಿಮಗೆ ಧನ್ಯವಾದಗಳು. :-)
ಶ್ಯಾಮಲ
ಪರಾಂಜಪೆಯವರೇ,
ಬಹಳ ಒಳ್ಳೆಯ ಪ್ರಯತ್ನ. ನಾವು ಗಮನಿಸಲೇಬೇಕಾದ ಪ್ರಶಂಸನೀಯ ಕಾರ್ಯ ಇದು. ಇದನ್ನು ಸಾಧ್ಯವಾಗಿಸಿದ "ಭಗೀರಥ" ಬಿಢೆಯವರಿಗೆ ನನ್ನ ಅಭಿನಂದನೆಗಳು. ಇದನ್ನು ನಮಗೆ ತಿಳಿಸಿದ ನಿಮ್ಮ ಬರಹಕ್ಕೆ ಧನ್ಯವಾದಗಳು.
ಇದನ್ನು ಪ್ರಚಾರ ಮಾಡಬೇಕಾದ ಕರ್ತವ್ಯ ನಾವು ಮಾಹಿತಿ ತಂತ್ರಜ್ಞಾನದ ಉಪಯೋಗ ಪಡೆಯುತ್ತಿರುವ ಎಲ್ಲರದ್ದೂ.
ಪ್ರೀತಿಯಿಂದ,
ಸಿಂಧು
ತುಂಬಾ ಉತ್ತಮ ಪ್ರಯತ್ನ. ಪ್ರಶಂಸನೀಯ ಕಾರ್ಯ. ತಿಳಿದವರಿಗೆ ಖಂಡಿತ ತಿಳಿಸುವೆ. ಬರವಣಿಗೆಯ ಮೂಲಕ ಹೊರ ತಂದಿದ್ದಕ್ಕೆ ನಿಮಗೂ ಧನ್ಯವಾದಗಳು.
Post a Comment